槍手受讓有“利”

槍手受讓有“利”

今晚英超早場又有大戰，今季齊齊起火嘅利物浦再會阿仙奴。兩軍近四次對陣，兵工廠佔盡優勢，取得三勝一和，包括首循環在酋長球場輕取紅軍，心理上佔得先機。就算今仗作客晏菲路，兵工廠仍具一定信心。

紅軍今季目標前四相當明確，但目前只比排第五嘅愛華頓多兩分，隨時“阿四”都冇得做，趁有主場之利必向對手搶攻。雙方踢法同樣以快速進攻為主，肯定屬於一場快上快落的對攻戰。勢均力敵下，實在難分勝負。初盤利物浦讓平手／半球，揀硬受讓嘅阿仙奴至少可執半個盤。

隨住“蘇七”今季有神勇發揮，加上高拿杜尼、施素高及摩西斯等具質素球員加盟，紅軍整體戰力大大提升，當然唔少得“謝隊”、古天奴及史杜歴治等多名主力保持極佳表現。不過始終與幾支爭標超級分子仍有些少差距，包括今仗對手阿仙奴。唯有全心全意力爭前四位置。

仲可以保住榜首嘅阿仙奴，希望場場波可以攞足三分，但對住紅軍亦知係一場苦戰，必會對攻之餘亦會步步為營。既然兩隊都係大踢進攻足球，相信今仗入球數字偏高。

推介：和波2:2