雙馬賀歲“皇”氣十足

雙馬賀歲“皇”氣十足

今晚有西班牙盃四強會師，其中兩“馬”相遇，皇家馬德里戰馬德里體育會，合演馬德里市打吡。

皇馬在聯賽十個主場九勝一負，所輸一場就係輸畀今仗對手馬體會，既然受過教訓，“安帥”必有所準備。因為次回合踢作客肯定難打得多，今仗誓要全力爭勝先攞頭彩。

馬體會上場聯賽大炒皇家蘇斯達四蛋，十六年來首次坐上聯賽榜“一哥”位置，球隊士氣勁升。不過再與皇馬交手，未必次次都咁好彩，始終皇馬陣中粒粒皆星，無論級數與質素都係份量十足，平均戰力，馬體會始終差少少，首要目標只望保住不敗，但相信防線一定受到唔少壓力。初盤皇家馬德里只讓半球，皇馬值博。

聯賽首循環碰頭，皇馬得勢不得分，埋門一腳亦稍欠運氣，希望今戰有好轉。人腳方面，巴利已準備就緒可以復出，賓森馬及迪馬利亞等主力束勢待發，謝斯與拉文迪兩位新紮師兄越踼越“弗”，隨時上位。首回合許勝不許和，實行決心戰勝對手。

馬體會今仗有二號射手大衛維拉因傷缺陣，相信用以守為攻踢法與皇馬抗衡。問題只係能否守得住對手強大火力。

推介：皇家馬德里2:1