槍手”射爆水晶宮
講返今日推介,阿仙奴上場被修咸頓迫和,唔見兩分兼畀曼城搶走一哥之位,今晚返到酋長球場對住下游分子水晶宮,誓必全取三分奪回榜首位置。 排第十四位嘅水晶宮暫時只多降班線球隊四分,依然要為護級而努力,但要喺兵工廠身上搶分,絕對係一件相當困難任務,對上一次作客兵工廠慘敗一比五,今仗期望實在唔大,只望輸少當贏,初盤阿仙奴讓球半/兩球,以兵工廠主場威力,應可打到落花流“水”。 被修咸頓迫和未能取得八連勝,阿仙奴真係冇得好講,但球員整體狀態仍然發揮得非常穩定,進攻踢法依然極具侵略性,水晶宮防守力有限,兵工廠要數兩三球唔難。齋睇水晶宮只贏兩場,輸九場作客劣績,大敗一場不足為奇。 推介:阿仙奴4:0
|