皇蘇又贏“德”

皇蘇又贏“德”

今晚有場西班牙盃八強次回合，由低兩班嘅山坦德越級挑戰西甲“阿四”皇家蘇斯達。首回合皇蘇領先三比一，全場佔盡優勢，完全技術性擊倒對手。雖然今場踢作客，但以球員平均質素及近期狀態表現，皇蘇絕對在山坦德之上，如無意外勝完可以再勝。初盤皇家蘇斯達讓半球／一球，推介皇蘇至少執半個盤一定“德”。

山坦德前年在西甲護級失敗後，兩季連降兩級，今季只能在丙組也文也武，暫時在丙組做“一哥”，以呢班波的實力，能夠打到入西班牙盃八強都算係功德圓滿。不過，球會由於財政問題，球員已經幾個月“白踢”，“斗令”波糧都未出過，仲話隨時會罷踢，就算今晚踢得成，拼搏程度亦有限，要唔要“德”，各位投資者真係要三思。

皇蘇上場聯賽大炒艾爾切四蛋，近四戰三勝一和，球隊保持良好狀態。尤其前線三大攻擊手，基斯文、卡路士韋拿及阿基列斯腳風順到不得了，近兩場攻入七球，埋門信心十足，對住防守力有限的山坦德，要入波簡直“伊絲執”。皇蘇要爭聯賽冠軍仍未有資格，所以盃賽必定全力以赴，爭取晉級。

推介：皇家蘇斯達2:0