皇蘇又贏“德”
山坦德前年在西甲護級失敗後,兩季連降兩級,今季只能在丙組也文也武,暫時在丙組做“一哥”,以呢班波的實力,能夠打到入西班牙盃八強都算係功德圓滿。不過,球會由於財政問題,球員已經幾個月“白踢”,“斗令”波糧都未出過,仲話隨時會罷踢,就算今晚踢得成,拼搏程度亦有限,要唔要“德”,各位投資者真係要三思。 皇蘇上場聯賽大炒艾爾切四蛋,近四戰三勝一和,球隊保持良好狀態。尤其前線三大攻擊手,基斯文、卡路士韋拿及阿基列斯腳風順到不得了,近兩場攻入七球,埋門信心十足,對住防守力有限的山坦德,要入波簡直“伊絲執”。皇蘇要爭聯賽冠軍仍未有資格,所以盃賽必定全力以赴,爭取晉級。 推介:皇家蘇斯達2:0
|