馬體會“畢”勝無歸

馬體會“畢”勝無歸

今晚西班牙盃八強戲碼唔錯，由聯賽前四兩支球隊對碰，“老二”嘅馬德里體育會對“阿四”嘅畢爾包。由於要打主客制兩回合，避免夜長夢多，首先主場嘅馬體會必需取得先機，誓要贏得領先優勢。球隊一向在主場惡到出汁，球員發揮特别醒神，撞啱對手踢作客不外如是，馬體會贏波問題不大。

畢爾包雖然守住前四位置，但整體人腳及戰力與三甲豪門始終有差距。況且聯賽作客輸多贏少，只望今戰輸少當贏。初盤馬德里體育會讓球半，證明外圍亦睇好“地頭龍”可以贏波又贏盤，一於捧馬體會“包”掂。

睇返馬體會在聯賽首循環對畢爾包戰況，馬體會優勢相當明顯，全場十七射八中；相反畢爾包只有兩次毫無威脅埋門，仲係零中目標，若非守門大將軍伊拉索斯表現神勇，畢爾包點止輸兩球收工？馬體會近兩仗主場只能賽和對手，今仗係時候重振聲威，殺過對手片甲不留。

畢爾包近三戰全勝，狀態似乎唔差，不過係主場出戰兼對手實力較弱。近四場作客只得一和三負，去到馬體會實難有作為。

推介：馬德里體育會3:0