曼聯讓多有困“蘭”
過往嘅曼聯在奧脫福出戰,對住中下游球隊讓一兩球根本“濕濕碎”。不過今期嘅曼聯的確畀“莫帥”搞到人唔似人、魔唔似魔,排兵佈陣總有不足之處,用人亦較有偏見。加上多名主力有傷,後防大將韋迪又要停賽,今仗要翻盤過關確實有一定困難。 新特蘭自從由普耶接手後,球隊表現明顯有好大改善,特别係球員戰意與鬥心非常積極,近四戰更取得三勝一和不敗,無論士氣及狀態都不俗。尤其係寄誠庸、阿當莊臣及波連尼越踢越弗,與曼聯球員確有較大對比。首回合揸住一球在手,“黑貓”今晚作客必會穩打穩紮為主,加強中後場攔截力,急於反勝嘅曼聯防線隨時會被突襲成功。初盤曼聯硬讓球半,黑開有條路嘅曼聯實在捧唔過,捧新特蘭好大機會贏盤。 推介:和波1:1
|