“槍手”難大“富”大貴
兵工廠目前勢頭唔錯,連埋足總盃已取得五連勝,最主要是球員狀態穩定,奧斯爾、韋舒亞及基奧特等都踢出應有水準,唯一可惜華確特要休息一段時間,幸好艾朗藍斯可復出,令球隊仍有足夠兵力。只要中前場繼續發揮銳利攻勢,對住實力一般嘅富咸,相信會有一定優勢。 榜尾形勢相當混亂,至少有八、九支球隊要爭分奪位,只多降班線球隊一分嘅富咸亦身受其害,急需搶分脫離危險。本身人腳班底其實唔算太差,唔少都係星級名氣球員,為加強戰力,再借得丹普西回歸,希望大步檻過保住英超位,所以今仗對阿仙奴,應可頂得兩咀。 推介:阿仙奴2:1
|