巴塞繼續有“泰”
加泰今場波只屬例行公事,因為清楚翻盤過關機會實在太渺茫,只希望在自己地頭踢場好波,對入場“粉絲”有所交代。初盤巴塞羅那讓球半/兩球,近五次對賽,巴塞全勝之餘兼每場最少攻入三球或以上,似乎食硬冇甩拖,一於再捧巴塞贏波贏盤。 加泰目前在聯賽排十一位,本來降班威脅唔算太大。但近期表現每下愈況,已經四連敗,上仗主場更不敵在榜尾掙扎的華歷簡奴。加泰都要集中於聯賽再度搶分,今仗勝負重要性唔大。 美斯復出後,巴塞陣容更加完整,由於揸住四球在手,預料今仗會輪換主力上陣。以球隊強大班底,邊個正選、副選實力依然在加泰之上,只要積極保持比賽鬥心,至少贏兩球或以上,根本問題不大。 推介:巴塞羅那3:0 |