皇馬讓多有風險

皇馬讓多有風險

打少一場嘅皇家馬德里目前少馬體會八分，要迎頭趕上真係唔容易，每場聯賽真係一分都不能失。今晚主場迎戰在榜尾掙扎嘅切爾達，以雙方實力對比，如無意外皇馬攞呢三分應該實食冇黐牙。不過，能否嘻嘻哈哈大勝一場，就要打到尾先知。初盤一開，皇馬要硬讓兩球半，贏三球才有純利，個人認為根本唔划算。

切爾達預咗拚輸嚟打，反而輸少當贏心態會踢得更放。如果唔覺意攻入一球先，皇馬要翻盤都幾難，一於擺出九零一戰術，穩守突擊，有本事放“馬”過來。推介切爾達輸波贏盤。

計往績，皇馬對住切爾達並非一面倒，近八次碰頭皇馬贏五場輸三場。比數方面，只係舊年在西班牙盃贏過兩球以上，所以亦有理據支持切爾達。皇馬早幾日飛去卡塔爾與聖日耳門踢場熱身賽，話就話保持球員狀態，但都算係舟車勞頓，體力可能影響整體發揮。

切爾達首要目標係護級成功，每場比賽都會盡力而為。球隊踢法擺到明打守勢足球為主，十七場聯賽失廿七球，防守能力唔算差，今仗未必會大敗收場。

推介：皇家馬德里2:0