曼聯作客難跨“域”
曼聯上場認真死好命,多得侯城守將送上聖誕大禮,才能全取三分,繼續追上前列球隊,但一班“魔星”整體表現祇係不過不失,今仗實在毫無必勝把握。初盤曼聯硬讓一球,上季紅魔到訪卡羅路球場就以一球落敗,今仗捧諾域治隨時有“紅”利。 排第十四位嘅諾域治距離降班線球隊祇有三分之差,積極搶分毋須多講。上仗被富咸反勝全失三分認真不值,多次機會未能拉開比數係導致輸波最大原因。今仗對住更強嘅曼聯,相信踢法會較為保守,實行穩守突擊,攞得一分得一分。 曼聯方面,莫帥嘅排陣仍然受到質疑,上仗對侯城排出四五一,將朗尼打墮後中場,只擺出韋碧克打單箭頭,進攻能力無疑減弱,令球隊佔唔到任何優勢,又驚輸又唔夠膽贏,呢一戰實在唔睇好。 推介:和波1:1 |