皇馬大鬧“蝙蝠”洞

皇馬大鬧“蝙蝠”洞

華倫西亞以往在西甲屬於搗亂分子，可惜今季大為失色，到目前為止只排於中游位置，甚至需要搶分確保甲組一席，今晚主場迎戰班霸之一嘅皇家馬德里，希望搶得一分得一分，但以球隊飄忽表現，實在難有期望。

皇馬上場聯賽只能逼和搶分護級嘅奧沙辛拿，已被榜首嘅巴塞及馬體會拉開五分，要保持爭標機會，今仗絕不能再有失誤，必會反客為主全力圍攻“蝙蝠軍”。初盤皇家馬德里硬讓一球，近十次對陣，皇馬取得七勝三和不敗戰績，心理上佔盡優勢，今戰仍然值得睇好，捧皇馬贏波又贏盤。

華倫西亞近四戰發揮在水準之下，一勝一和兩負，只在西班牙盃一球小勝丙組球隊，球員狀態認真麻麻，要對住強勁嘅皇馬，華倫西亞難望發圍。皇馬經過對奧沙辛拿教訓仍未知衰，上一場西班牙盃球員比賽態度更令安帥大表不滿，賽後在更衣室要集體訓話，相信今戰必會積極求勝，以皇馬前線火力，一球應該冇走雞。

推介：皇家馬德里3:1