拜仁讓多不如博“拉”

拜仁讓多不如博“拉”

世冠盃今晚上演王者之爭，由非洲球會拉查體育會決戰拜仁慕尼黑。計班數，拉查應該差拜仁起碼一班，唯一着數只係有天時地利；但拜仁貴為歐洲冠軍，正所謂“唔係猛龍唔過江，唔係豬扒唔化妝”，如果輸畀一支二三流球隊，今季接任嘅哥帥又顏面何存？呢個世冠盃非取不可。

不過初盤拜仁要讓兩球半／三球，“大莊”似乎過份睇低拉查，至少有三個理由可以博下盤：一，決賽一場過，賽果上落唔會太大。二，拉查明知實力不如對手，必會加強防守，實行以守為攻。三，話晒拉查都係主人家，拜仁目標只係捧盃，毋需炒到對手無地自容，就算大打真軍，三球波唔係話入就入咁容易，一於博下盤拉查，輸波贏盤。

拉查在準決賽擊敗巴西勁旅明尼路，話爆冷其實見仁見智，實際上拉查真係踢得有紋有路，而且章法唔差，唔係輸畀“細哨”個超靚罰球，根本係三球技術性擊倒明尼路，所以千其唔好太過睇低呢支非洲球隊。

拜仁有幾勁唔需多講，整體實力又明顯高於對手，捧盃志在必得，問題只係會去得幾盡？兩球最正路。

推介：拜仁慕尼黑2:0