“曼”“車”等過關
今日介紹兩場英格蘭聯賽盃,頭場李斯特城對曼城,兩隊實力明顯有較大距離,李斯特城雖然在英冠守住前三位,但講到人腳班底,與曼城相比簡直天與地,最有名氣只有前丹麥鋼門舒米高之子,要與粒粒皆星嘅曼城一決勝負,等於螳臂擋車。即使佔有主場之利,又預咗曼城今仗以副選上陣,李斯特城亦難逃一敗,初盤曼城讓球半,曼城要執兩球應該冇問題。 另一場係新特蘭對車路士,新特蘭近六次撞“車”都變車下亡魂,擺到明鬥“車”未夠班。球隊正為護級掙扎,呢個盃仔都係早走早着。“老摩”亦未必會為聯賽盃而太過着緊,不過一班後備軍有機會上陣,必會積極爭取表現,爭勝心依然比新特蘭較強,初盤車路士讓一球,可搏“車仔”贏波贏盤。 推介:曼城2:0車路士2:0 |