熱刺排“紅”

熱刺排“紅”

昨晚睇完場曼、阿大戰後，好波停不了。今晚又有英超版“紅白”大賽，熱刺激鬥利物浦。聯賽已踢咗三分一有多，前列球隊依然爭持得比較激烈，排第六位嘅熱刺仍有爭標機會，最緊要今仗可撃敗對手全取三分，以熱刺近期不俗的走勢，及近六次主場必殺紅軍的往績，絕對可以睇好。

利物浦雖連續兩場大炒對手，但都祇係下游球隊諾域治與韋斯咸，根本所受威脅唔大。再睇返近四場的作客比賽，兩和兩負未贏過，今晚作客具一定實力嘅熱刺，實在對紅軍毫無信心。初盤開出祇係平手，簡直筍盤到爆，一於捧熱刺有“利”可圖。

連埋歐霸盃，熱刺近五戰取得四勝一和，球員狀態保持得相當穩定，最大改善係前線火力明顯得到提升，近五場共攻入十二球，蘇達度上場更連中三元，入球信心返晒嚟，仲有艾歷臣與丹尼羅斯已傷癒復出，強陣出擊料可殺退紅軍。

利物浦今季如此神勇全靠“牙擦蘇”，雖頭五場坐波監，但踢十場波共入十五球，做埋射手榜一哥，的確又抵佢牙擦。不過，另一重心“謝隊”與史杜列治因傷缺陣，“牙擦蘇”今仗幾難單天保至尊。

推介：熱刺2:1