曼城升“仙”

曼城升“仙”

英超今晚早場上演重量級大戰，暫做“阿四”嘅曼城火拼“一哥”阿仙奴，由於聯賽榜前四位置只有六分之差，每當四路雄獅碰頭，激戰在所難免。尤其今場不單是三分之爭，來回係六分差距，所以佔有無敵主場嘅曼城為了保持爭標機會，誓必全力爆“廠”。

七戰七勝攻入廿九球只失兩球，曼城的主場氣勢勢如破竹，證明球員在自己地頭發揮特別出色。近六戰亦取得五勝一和，包括周中歐冠盃反勝拜仁，雖然主帥柏歷連尼贏波都被傳媒鬧爆係“數學白痴”，但最緊要贏士氣，只要一班球星夠實力，充滿自信，話之對住任何強敵，都要作戰到底。正如今仗對兵工廠一樣，爭勝決心絕對不容多疑。唯一可惜是中場重心D施華有傷，進攻力稍為削弱，但相信仍會佔得優勢。

阿仙奴再受重大考驗，始終之前作客輸過畀曼聯，聯賽盃又不敵車仔，對番英超死對頭明顯仲有一定隱憂，所以雲格亦相當緊張，作客拿坡里刻意收起韋舒亞、華確特及艾朗藍斯等主力，希望今晚一戰可以抗衡曼城。不過曼城主場實在太恐怖，睇怕兵工廠難以逃出“城”門，初盤曼城讓半球，捧曼城可以拔“槍”。

推介：曼城3:1