熱刺讓多難“安”心

熱刺讓多難“安”心

熱刺在歐霸盃分組賽已穩奪首名出線資格，今晚在白鹿徑球場迎戰次名嘅俄羅斯球隊安捷只屬例行公事，考慮到過兩日在聯賽將要火併利物浦，唔排除領隊保亞斯會留前鬥後，今戰會收起部分主力，留力在聯賽爭上前列位置。

曾經在俄超勢盛一時嘅安捷，今季球星四散之後，戰績一落千丈，已淪落為中下游球隊；幸好在歐霸盃仲有些少料到，與熱刺一樣可以坐定粒六殺入十六強，所以今仗贏輸都影響不大。不過落到場比賽點都唔衰得，就算輸，都要輸得好好睇睇。初盤熱刺讓球半／兩球，要贏到三球熱刺先可照單全收，實在唔多划算，寧博安捷死守成功，至多一球落敗，最緊要輸波贏盤。

熱刺慘吞曼城六蛋後，果然知恥近乎勇，近四戰除打和曼聯外，其餘三戰全勝，最大改善係入球數字有提升，每場均有兩球進賬，但奇怪在“正印”前鋒嘅入球效率依然貨不對辦，仍靠中後場球員入波居多。由於目前傷兵唔少，包括艾歷臣、艾迪拜約、維頓漢及丹尼羅斯等，避免大戰前再有損兵折將，今仗應有所保留。只望輸少當贏嘅安捷未必重創收場。推介：熱刺1:0