天鵝傷“城”記

天鵝傷“城”記

英超今晚獨腳戲由兩支中游球隊擔正，史雲斯主場迎戰侯城，兩隊除要力爭上游外，亦需搶足分數坐穩有利位置，避免跌落護級漩渦。

由於史雲斯佔有天時地利人和，踢法上亦較為有紋有路，只要前線能夠把握良機，絕對有望全取三分。侯城對上一個主場踢出今季代表作，以三比一爆冷殺敗紅軍利物浦，錄得主場四勝兩和一負佳績，自己地頭出撃果然猛虎出柙一樣。不過一踢作客即時變成冇牙老虎，至今只得一勝六負劣績，今仗實在難以睇好。初盤史雲斯讓半球／一球，推介上仗大炒紐卡素三球嘅史雲斯可以乘勝追擊。

史雲斯嘅組織配合的確甚有章法，控球能力相當強。可惜上季首席射手米祖受傷後，鋒線欠缺一名份量級攻擊手，邦尼又加入十字軍行列，目前只得西班牙小將華斯基斯可用，唯有靠舒爾維、簡拿斯及戴亞等充當後上殺手。對住防守力有限嘅侯城，相信仍有機會爭取“士哥”。

基於本身人腳質素所限，侯城踢法就簡單得多，屬於典型英式踢法，所以主場與作客對比相當大，不妨捧史雲斯至少可執半個盤。

推介：史雲斯2:0