愛華頓伏“兵”城下

愛華頓伏“兵”城下

英超今晚繼續有硬仗，“一哥”阿仙奴火併硬淨派愛華頓，雙方踢法以行軍快速見稱，快上快落，兩隊埋牙肯定鬥攻鬥搶，激戰在所難免。

客場輸畀曼聯之後，兵工廠依然狀態不俗，四連勝兼零封對手，無論防守與進攻都令“廠迷”相當滿意，球員士氣及自信心爆棚。不過千祈唔好貪勝不知輸，尤其睇過愛華頓作客點樣掃低曼聯，相信會畀阿仙奴一個警惕。

講氣勢，愛華頓同樣唔輸蝕，能夠擊敗曼聯並非僥倖，完全發揮出力的表現，呢支強心針一定起到極大作用，去到奧脫福都未驚，今晚到訪酋長球場，一於“兵”來將擋。初盤阿仙奴讓半球／一球，捧愛華頓可不敗而回。

阿仙奴今季的確踢到生龍活虎，一班小將越踢越成熟，進可攻，退可守，特別係防線方面，穩健程度十足，十四戰只失十球，係英超中失球最少。目前唯一令雲格頭痛係如何調兵遣將，因下周要打歐冠對拿坡里，跟住再對曼城及車仔，連場惡戰，可能影響戰況。

愛華頓今季不但表現給力，自馬天尼斯接任後踢法更靈活，今仗對阿仙奴相信亦有應對方式，未必輸得晒。推介：和波1:1