里昂無利可“圖”

里昂無利可“圖”

里昂早幾年在法甲可以話係打橫行，甚至在歐冠戰績亦唔差，可惜近呢兩三年大勢已去，今季更加每下愈況，十五輪比賽過後只得十九分，暫時排第十位，與榜首“大巴黎”相差十八分，爭標機會相當渺茫，唯有希望可以踢返上前四，今晚對住低兩位嘅圖盧茲，誓必全力爭勝，望能踢上較前位置。不過球隊主場表現一般，勝率不足一半，要讓波實在諗唔過。

圖盧茲一向在法甲屬中游分子，實力比上不足比下有餘，雖然作客戰績比較差，但亦偶有佳作，前四兩支勁旅摩納哥與馬賽亦未能在其身上全取三分，里昂又何來必勝把握，初盤里昂讓半球／一球，博圖盧茲搶分有“里”。

里昂成績大跌，當然與人腳有關，目前陣中只靠哥古夫、高美斯及老將馬白蘭基支撐大局，整體戰力欠缺平均，上場聯賽大敗在聖日門腳下，反映球隊實在有唔少不足之處，要殺敗實力相若嘅圖盧茲談何容易。

圖盧茲對上一場作客對住排次席嘅里爾，發揮相當不俗，若非打少一人，不致於一球落敗，今仗絕對有力與里昂力拼到底。

推介：和波1：1