維拉利爾可“加”分

維拉利爾可“加”分

一三年亞洲足聯頒奬禮早兩日在吉隆玻舉行，廣州恆大為中國足球揚威海外，分別奪得五大奬項，包括亞洲最佳球會，中國足協成為亞洲最佳足協及公平競賽協會奬；個人方面，穆里奇奪取亞洲最佳外援，最威水係鄭智成為今年亞洲足球先生，係繼十二年前范大將軍范志毅後，第二位中國球員奪得呢個殊榮，的確可喜可賀。希望中國足球繼續努力，係衝出亞洲第一步。

至於今日推介係西甲維拉利爾對馬拉加，兩隊今季都有好大對比。“黃色潛艇”今季重返西甲，經過十四輪聯賽後，估唔到可以緊守前四位置，只屈居於巴塞、馬體會及皇馬之後，證明具有一定實力。當然，爭標機會肯定難以與三大豪門明爭暗鬥，但保住前四位置踢歐冠相當重要，所以對住中下游球隊必會全力爭勝。今季加盟嘅祖傑、加比爾及門將阿辛祖對球隊都起到一定作用，烏捷在杜斯山度士缺陣期間近況大勇，連續三場有“士哥”，今仗對住每下愈況嘅馬拉加，初盤一球讓得起。馬拉加自從星散之後，實力大倒退，今季能否謢級成功都成問題。

推介：維拉利爾2：0