華倫西亞踩“雲”

華倫西亞踩“雲”

歐霸盃A組今晚上演榜首之戰，英超實力分子史雲斯火併西甲勁旅華倫西亞，邊隊贏波就可鎖定十六強資格。首循環史雲斯作客三球大勝對手，今仗返到主場心理上更加佔優。但華倫西亞勝在歐戰經驗十足，而且上仗大敗主要原因係開賽十分鐘已踢少一人，計本身人腳及實力，根本與史雲斯勢均力敵，甚至有過之而無不及。打波逐場計數，最緊要臨場發揮，只要今仗踢出應有水準，至少可力保不敗。初盤史雲斯讓半球，捧硬“蝙蝠軍團”。

史雲斯四場分組賽取得兩勝兩和未輸過，基本上攞多一分都出線在望，只不過自己地頭出擊，當然希望捧場球迷開心，贏波最實際。但講到踢法方面，對住華倫西亞未必佔到優勢，華倫西亞控球能力相當強，而且論個人技術質素，華倫西亞更為平均，史雲斯近六戰只得一勝，狀態仍處於低沉時期，要再次擊倒對手實在不易。

華倫西亞今季在西甲令人失望，已跌到落中游位置，但始終仍有一定地位，對住英超二線球隊，完全未驚過，受讓簡直係筍盤。

推介：和波2:2