多蒙特難讓“坡”

多蒙特難讓“坡”

德甲勁旅多蒙特在國家打吡慘被拜仁狂轟三蛋，大敗之餘更接二連三遭遇敗績，球隊士氣嚴重受挫，元氣未復，今晚又要應付歐冠生死之戰，迎戰意甲實力派嘅拿坡里，既要受傷兵困擾，仲要許勝不許和，確實隱憂重重，球員發揮成疑問。

拿坡里同樣連續兩場輸波，狀態亦成問題，不過只要再求一分，出線形勢依然樂觀，加上首回合曾擊敗對手，心理上稍為佔優，只要穩打穩扎，要保住不敗而回絕對唔難，初盤多蒙特要讓半球/一球，不妨考慮拿坡里可以“特”圍。

多蒙特三球慘敗拜仁腳下，最大原因係後防三大主力舒美沙、曉姆斯、比薛斯克及防守中場根杜簡因傷缺陣，形成防線大崩潰，反映了多蒙特嘅後備力量明顯不足。由於多名主力繼續休戰，防守仍是球隊最大致命傷，最慘今仗又要非勝不可，可能造成球隊攻守失衡，要反彈贏波談何容易。

拿坡里目前領先多蒙特三分，根據賽制，兩隊同分計對賽，首回合贏波嘅拿坡里只要和波就可殺入十六強，呢支意甲藍軍必會穩守突擊，以守為攻，進退兩難嘅多蒙特想贏都難。

推介：和波1:1