瑞典主場誓拔“牙”

瑞典主場誓拔“牙”

有時真係唔到你唔信邪，葡萄牙上場對瑞典在完場前“C朗”攻門中楣彈出，未能擴大比數，最終只能一球僅勝對手，唔通就係埋下“飲恨”伏線？

因為今晚作客肯定唔易踢，瑞典必會借主場優勢，將全力狂轟猛炸，望能盡快收復失地，如果以波論波，瑞典勝算的確可以較為睇高些少，更何況初盤開出只係平手，唔使讓波嘅瑞典可以值博。

但小弟曾經講過真係唔想“阿咪古”踢唔到決賽周，所以最理想賽果葡萄牙可以取得一個作客入球，C朗，葡軍又要靠晒你。

瑞典上仗果然以守為攻，處於劣勢屬正常，但今仗已經冇路可退，必定加強進攻，隨時擺出伊巴謙莫域、托禾倫及艾文達三箭齊發，但擺得大個頭，後防自然有更多漏洞，所以葡軍絕對有機可乘。

葡軍主場一戰爭勝心非常明確，全場十九次攻門，可惜只得三中目標，而且三次都係由C朗包辦，可想而知葡軍埋門威脅，唔靠C朗靠邊個？防守方面，柏比與艾華斯都係“打仔格”，犯規多過食飯，上場冇壓力還可以，今仗受壓形勢下，最驚葡軍踢少個而令球隊陷入困境。

推介：瑞典2:1