荷蘭大把“本”
日本近兩場熱身賽分別輸畀歐洲屬二、三線球隊的塞爾維亞與白俄羅斯,表現認真麻麻,以目前狀態實在難以挑戰強勁嘅荷蘭。初盤荷蘭讓一球,捧“橙色兵團”輕鬆殺敵。 荷蘭嘅踢法一向崇尚進攻足球,特別係疊瓦式後排攻擊,經常令對手防不勝防,雖然有超級射手雲佩斯因傷缺陣,但依然極具殺傷力,洛賓、史奈積達、雲達華特及倫斯等,足以令日軍後防兵慌馬亂,要入一兩球應該冇走雞。 日本在亞洲區可以話也文也武,只可惜對住歐洲球隊始終比較輸蝕,特別在身體對抗及體能方面,以荷蘭快速緊迫打法,相信日本會踢得更加吃力,只望加強防守抗衡力,將失球數字減到最低。推介:荷蘭3:0 |