艾爾切主場解“維”

艾爾切主場解“維”

西甲今晚只得一場單挑，首度在西甲露面嘅艾爾切主場迎戰前四位的維拉利爾，如果計“牌頭”、球會架構、人腳級數、甚至財力物力，艾爾切當然不及踢到有名堂的“黃色潛艇”，不過落到場比賽，最重要講拼勁與鬥心，正所謂愛拼才會贏，話之對手強或弱，一於戰鬥到底，艾爾切就具有呢種正能量。

維拉利爾今季似返啲樣，話晒只係僅次於三大強隊，巴塞、馬體會及皇馬之後，守住第四位有機會爭踢歐洲賽，但可以坐得幾耐就未知。始終覺得呢班波真正戰力唔算太突出，只有個別球員較為搶鏡，而且踢作客勝算唔高，就算今仗對手實力只屬中下游，但一樣毫無贏波把握。初盤維拉利爾讓半球，捧艾爾切有數“維”。

由於財力有限，艾爾切登陸西甲後只加入四名球員，而且都係借用形式，幸好四位借將都能交出功課，尤其兩名攻擊手迪摩拉與加納國腳保加耶，助球隊暫列第十，只要繼續保持戰意，艾爾切有力保住甲組位。

維拉利爾今季最大收穫有杜斯山度士及門將阿辛祖加盟，一前一後確實提升唔少；不過，整體位置仍欠缺平均，仍未達到強隊氣派。推介：和波2:2