車仔讓多“屈”唔起

車仔讓多“屈”唔起

    今季英超冠軍已名花有主，車仔提前兩輪重奪錦標，明晨在史丹福橋球場迎戰屈福特更大搞狂歡派對。雖然今場贏輸冇影響，但都要入場“車迷”玩得開心，贏波更完美。

    屈福特唔好以為坐定粒六，數字上仍有降班危險，對完車仔仲要對曼城，兩仗攞一分先上岸。但若大敗六、七球，且尾三的侯城最後兩仗又贏波，的確有排計數，所以屈福特今仗係“攞景”多過“贈興”。不過，球隊實力有限，要在車仔身上搶分並非容易，但求將失球數字減到最低，壓倒侯城留在英超，今場難免踢法穩守。

    車仔今仗真係叫快樂足球，贏輸唔係問題，最緊要開心。且仲有足總盃決賽對阿仙奴，干地應會輪換部分主力及減少受傷風險。初盤車路士讓球半／兩球，不妨考慮捧屈福特，輸波贏盤有着數。

    推介：車路士1:0