巴西讓多心“韓”

巴西讓多心“韓”

今晚有場國際友誼賽，由韓國對巴西。韓國在世界盃亞洲區外圍賽已篤定出線，可以訂定明年飛巴西機票，由於距離決賽周只有幾個月時間，球隊都要開始認真積極備戰，今晚對住粒粒巨星的主辦國巴西，牌面自然睇低一線；不過，韓國球員一向以鬥心見稱，拼搏程度十足，就算友賽都係硬橋硬馬同你死過。

相反，巴西呢班友仔到達首爾後，吃喝玩樂多過操，戰意肯定不及主場的太極虎，巴西贏唔贏到波都成問題，初盤巴西仲要讓一球／球半，揀韓國不至於大敗。

韓國近期戰績的確跌得幾深，尤其在東亞盃，只得兩和一負，比較令人失望，最主要陣中新人比較多，更有青黃不接感覺。但呢班老虎仔勝在紀律及服從性強，基本質素亦唔差，假以時日將會修成正果。

自從“大菲”接手巴西後，球隊果然大有改善，先捧個洲際國家盃打響威勢，近兩場友賽同樣交足功課，分別大炒澳洲與葡萄牙，重現森巴足球風采。今次到訪韓國依然以強陣應戰，尼馬、奧斯卡、馬些路、拉美利斯及大衛雷斯等基本班底，整體人腳絕對在韓國之上，只係爭勝心態問題。

推介：巴西2:1