英冠：维拉主迎德比郡盼胜

2017年感觉时间过得特别快，转眼间就已经嚟到2月尾，但对于今季沦落至英冠嘅阿士东维拉而言，球队如今却可谓系度日如年。皆因联赛连续不胜已经大大打击维拉士气，即使喺嚟紧嘅礼拜六深夜主迎近况同样肉酸嘅打比郡，维拉恐怕依然无力打开久违嘅胜利之门。 

对于维拉拥趸而言，2017年真可谓系流年不利，点解咁讲？皆因佢哋喺进入2017年后已经连续8轮联赛不胜(计埋上年12月尾主和列斯联嘅话就系连续9轮)。与此同时，维拉近来更加在连败路上一去无回头，已经五连败嘅佢哋目前联赛排名亦逐渐滑落至下游地带，降班警报四起。至于客军打比郡，近5仗各项赛事不胜嘅佢哋如今状态如何相信大家亦心中有数。不过正如维拉尚有一定主场威力作安慰(头15轮联赛主场仅败2仗)，打比郡亦胜在有脚风甚顺嘅戴伦宾特作保证，皆因呢位本土射手喺过去3轮联赛当中合共攻入4波，维拉后防线都咪话唔惊。

　　睇返盘路方面，碍于双方目前境况都算系半斤八两，一场和局可谓系呼之欲出。至于波胆选择上，考虑到双方最近一次交手就已经开出0比0，目前亦均缺乏争胜把握，今仗不妨可多加留意0比0和1比1嘅波胆。