熱刺“安”枕無憂

熱刺“安”枕無憂

俄羅斯球隊近年在歐洲賽雖然成績唔算突出，但總算有兩三支球會打響名堂，安捷亦係其中之一，呢支上季俄超勁旅曾經大肆擴軍，以世界最高薪邀得伊圖加盟，仲有巴西國腳韋利安及射手高哥連等星級戰將，更由大師級教頭軒迪克執教，可惜上季聯賽只能排名第三，今季為削減開支搞到球星四散，加上軒迪克離隊後，戰績一落千丈，各項賽事已經連續十五場不勝，俄超排名更跌到落尾三位置。除了實力大為削弱外，相信內部亦有問題，直接影響球隊比賽鬥心，今晚歐霸盃分組賽對住熱刺，即使有主場之利兼受讓，亦不宜捧場。

加入蘇達度、艾歷臣、保連奴及拉美拿等高質球員，熱刺今季兵強馬壯，走了一個巴利又算得咩！只要多點時間拍慣拍熟，呢班波可以列入歐洲強隊之列。保亞斯上仗對特羅素未算派出最強陣容，依然三球輕取對手，可見信心十足，只要今仗再取三分，基本上出線在望，必會全力爭勝，初盤熱刺硬讓一球，以平均人腳實力，贏波應不成問題，最多只係走盤，不妨博熱刺贏波兼贏盤。

推介：熱刺2:0