黑貓發窮惡

黑貓發窮惡

“怪獸”領隊迪肯尼奧因帶領“黑貓”新特蘭戰績不濟，終於難逃下崗一劫，成為今季英超第一炒。其實戰績差之外，老迪的教波獨特風格早已令一班球員極為不滿，只係敢怒不敢言，如今脫離魔掌，並由暫代教頭波爾領軍，相信黑貓會有新的開始；今晚在自己地頭出擊，迎戰紅軍利物浦，誓與球場名一樣，踢出“光明”。

一輪虛火之後，紅軍近三戰只得一和兩負，球隊表現實在太過飄忽，亦反映出目前人腳與平均戰力，仍未返到一線行列，對住中下游分子，根本沒有太大贏波把握，踢作客更少多兩成信心。今仗作客初盤仲要讓半球／一球，揀硬新特蘭主場“浦”得起。

黑貓今季人腳其實比上季更強，球星指數根本唔差，基亞卓連尼、阿當莊臣、奧舒亞、卡達摩爾、拿臣及寄誠庸等，都係具有級數份量球員。只係比賽鬥心問題，五戰只得一分排榜尾，“黑貓”係時候發惡反彈。

紅軍之前五場聯賽攻入五球，實質只靠史杜歷治，“阿杜”交唔到貨，前線攻力死晒火，“哨牙蘇”復出，確可加強威脅力，但都要睇發揮如何。

推介：新特蘭 1：0