紅魔“利”字當頭
英超的確現實到不得了,現在真係擔心莫耶斯帥位,一比四慘敗同市死敵曼城腳下,令球隊再遭恥辱,如果今晚聯賽盃在主場再輸畀利物浦的話,只可以同莫帥講句:祝你好運。 如果你問我利物浦強項係乜嘢?即刻可以答你,就係“海鮮波”,近兩場只得一和一負。從整體表現,夠膽講句,紅軍仍未夠實力去爭標,今晚作客奧脫福再戰紅魔,想食過返尋味睇怕都幾難,初盤曼聯讓半球,一於撑再輸唔起的莫帥,可以帶領班波止血。 原本“盃仔”對曼聯嚟講可有可無,但事到如今,莫帥真係唔衰得,人腳方面都要執得好好睇睇。雲佩斯已無大礙,隨時可披甲上陣,蘭尼、香川真司及“小豆”靴南迪斯等亦養精蓄銳,蓄勢待發,誓報聯賽一敗之仇。 利物浦賴戰術上失誤,上仗主場爆冷輸畀修咸頓,只係其中原因之一。觀球隊實質表現,輸波並非意外,要再贏曼聯,真係好難囉。 推介:曼聯3:1 |