熱刺主場橫“素”

熱刺主場橫“素”

打完歐冠盃分組賽後，緊接歐霸盃上埸。今季重本擴軍，野心勃勃的熱刺先在主場出擊，迎戰挪超球會特羅素。以熱刺強勁班底，又佔盡天時地利人和，要在分組賽旗開得勝，應該毫無難度，問題只係贏多贏少。

睇一睇特羅素呢支挪威球隊有咩料，嘩！上場聯賽一球擊敗排榜首兼挪超最響噹噹球會洛辛堡，唔通勁猛料？唔知可能嚇死，知道原來笑死，挪超聯賽共有十六支球隊，踢完廿三場後，特羅素只排第十三位（即係尾四），剩下七場比賽都要搶分護級，有料極有限，又何必再分心踢歐洲賽？而且以本身能力，與其與熱刺搏槌，不如側側膊，早早舉手投降好過！初盤熱刺讓兩球／兩球半，贏三球先有利，實在讓得太過份。不過我鍾意，都係揀熱刺。

熱刺今夏引入唔少高質球員，蘇達度、保連奴、拉美拿、查迪利及上場聯賽處子登埸的艾歷臣等，加上本身人腳，熱刺確實非同小可。目前難題只係球員之間的默契，相信過多一段時間就更加不得了。至於今晚場波，單憑個人級數已經夠殺有餘，亦可當練波一樣，至少執三粒唔難，贏波又贏盤。

推介：熱刺3:0