皇馬唔夠“雷”氣

皇馬唔夠“雷”氣

歐冠盃分組賽今晚正式開打，當中擁有“兩億”齊飛的皇家馬德里將要作客加拉塔沙雷的“地獄”球場，比起聯賽剛打完的維拉利爾更加凶險，唔好話要贏，能保住不敗而回，已算有所交代。

加拉塔沙雷近況唔算“醒神”，在土超四戰只得一勝三和，整體狀態稍為不足，但講到人腳戰力，有唔少份量級球星坐鎭，只要發揮出應有水準，再加上“地獄”球場恐怖氣勢，皇馬應該仲驚過主人家。初盤皇馬讓一球/球半，似乎過份睇低對手實力，推介加拉塔沙雷先來一個下“馬”威。

貴為土耳其傳統勁旅，加拉塔沙雷差極有條數，史奈積達、杜奧巴、艾天托都係星級球員，仲有耶馬斯、布魯特、恩蘭及沙恩等多名“土”製國腳，點都可以與皇馬駁得“兩咀”。

對維拉利爾一戰，皇馬唔贏唔抵，唔輸好彩，真係唔明點解會放棄“大眼仔”奧斯爾，中場助攻能力明顯大打折扣。根據統計，皇馬上季所有入球中，超過一半以上與“大眼仔”有直接或間接關係，少咗呢位德國中場，皇馬確實失去唔少“輸送”利益，至於防線依然係卡通名犬“屎到痹”，今仗對皇馬真係毫無信心。

推介：和波2:2