捧聖日門咪心“多”

捧聖日門咪心“多”

打完世界盃外圍賽後，一衆國腳級球星又要歸位，為效力球會爭取聯賽佳績，包括法甲豪門巴黎聖日門，今晚將要作客波爾多必需全取三分，力追榜首摩納哥。

波爾多開季表現麻麻，四戰只得一勝一和兩負，已跌到落下游位置，反映出球隊狀態與整體戰鬥力確有不足，今仗面對強敵，波爾多實難有作為。初盤聖日門要讓半球，推介大巴黎作客照贏“波”。

兩隊在季前法國盃交手，當時波爾多確實咬住對手，幾乎令聖日門束手無策，可惜“臨尾香”，完場前十分鐘被聖日門反敗為勝，波爾多打落始終都係處於下風，證明雙方實力仍有差距。

波爾多今季人腳並無太大轉變，仍然以捷克國腳柏拉斯爾、馬里射手戴亞比迪、土炮沙維特及保恩積為重心，在法甲嚟講，算係比上不足比下有餘，但對住豪華班球會始終較為輸蝕。

衛冕的聖日門四戰只得八分排第四，避免被勁敵摩納哥及馬賽拉開，今仗必須全力爭勝，以伊巴謙莫域、卡雲尼及拿維斯三大頂級射手坐鎭，要攻破波爾多大門並非難事，贏開有條路，有望取得聯賽三連勝。

推介：巴黎聖日門2：1