幼獅難搶“芬”

幼獅難搶“芬”

英格蘭U21在今年歐洲錦標賽決賽周分組賽，以三連敗恥辱出局，領隊皮亞斯隨即下台，改由另一名宿修夫基接任。首戰對住弱隊摩爾多瓦雖有個好開始，但只能小勝一球，贏得較為驚險，反映出球隊進攻能力不足。今晚外圍賽第二戰作客芬蘭，幼獅要取得連勝實在不易。

芬蘭暫以三戰兩勝一和有七分居小組榜首，力爭殺入決賽周，今仗佔有天時地利人和之利，確有機會可以擊退對手，初盤英格蘭讓球半／兩球，實在過分高估呢班“幼獅”能力，況且英軍一向踢作客信心不足，必捧芬蘭可馴“獅”。

芬蘭陣中主力球員以國內聯賽兩大班霸球會赫爾辛基與漢卡為骨幹，其中踢過德甲利華古遜的波柏羅、頭號射手華利倫及中場核心卡斯泰迪都極具質素，對住英軍未驚過。

由於英超屬於外援天下，英格蘭年輕球員上陣機會受到局限，今期英格蘭U21陣中大部分都係英超後備軍，最有人氣係效力曼聯的沙夏，“當打”效力愛華頓的巴克利與利物浦的史達寧又入選大國腳。小英軍實力並非想像中如此強橫，仲要讓過一球以上，又何德何能呢？

推介：芬蘭2:1