多蒙特嗒“梅”

德國超級盃擊殺拜仁後，“蜜蜂兵”多蒙特繼續銳不可擋，德國盃與聯賽三戰全勝，士氣與狀態十足，今晚德甲獨腳戲對住冇乜氣勢的雲達不萊梅，“蜜蜂兵”全取三分冇走雞。

不萊梅近兩、三季在德甲浮浮沉沉，上季更只排尾四位置，球隊近年戰力明顯不進則退，以目前人腳實力難以向多蒙特挑戰，初盤多蒙特讓球半兩球，至少可執半個盤。

多蒙特今季雖然有葛斯與辛坦拿等主力離隊，但補入米希達恩、歐巴美楊格、柏巴斯托普里斯及廿一歲德國新星荷夫曼多名極具質素球員，配合利雲度斯基、馬高雷斯及紐尼沙軒等基本班底，三線實力有增無減。開季四場正式比賽攻入十三球只失三球，進攻夠銳利，防守有保證。上仗因輕敵只能險勝升班馬布倫斯維克，今戰應會加多幾分肉緊，誓要豪取不萊梅。

不萊梅在聯賽有個好開始，兩連勝先搶六分，不過對手唔強兼只能僅勝，贏得較僥倖，德國盃作客更被丙組仔球隊淘汰，真正實力有幾多有數得計。往績方面，近兩季對住多蒙特四戰全敗，近一次在主場慘吞五蛋，今晚作客凶多吉少。

推介：多蒙特3：0