皇馬讓多都要“愛”

皇馬讓多都要“愛”

    皇馬上場作客畢迪斯又再失分，與榜首巴塞及馬體會又拉開距離，要繼續保持爭標機會，確不能再有失誤，明晨主場迎戰愛斯賓奴，三分志在必得。

    愛斯賓奴近七次對住皇馬輸足七場，聯賽首循環主場更慘吞六蛋，今場作客睇怕被皇馬殺到屍橫遍地。初盤皇家馬德里讓兩球半／三球，一於照去“馬”，捧“銀河戰艦”狂轟“愛奴”贏波贏盤。

    皇馬嘅入球能力唔需多講，廿一場聯賽轟入五十八球，唔單只係西甲，更係歐洲各大聯賽之冠，兩大攻擊手賓森馬與C朗目前與“牙擦蘇”又爭緊神射手之位，肯定極力爭取入球。皇馬呢班波絕不會手下留情，尤其在主場，近四場主場攻入對手廿三球，平均每場五球有多。加上上場失分已經滿肚怨氣，今戰勢必發洩在對手身上。

    愛斯賓奴近期輸波輸到滑晒，上場亦只能在維拉利爾身上攞得一分，球隊經已受到降班威脅。奈何作客表現實在差到冇朋友，十一戰只得兩場勝仗，其餘九場輸晒。今場要在皇馬身上搶分，簡直難過登天。

    推介：皇家馬德里5:0