熱刺作客照謀“利”

今晚繼續有英超球隊出征歐戰，恨踢歐冠都踢唔到嘅熱刺，唯有繼續玩歐霸盃。雖然遠少少去到格魯吉亞，更對住當地上季超級聯賽冠軍球隊，不過講到足球水平，格魯吉亞與英超至少差幾班，預料今場首回合，熱刺仍可輕鬆取勝。初盤熱刺讓一球／球半，推介熱刺贏波贏盤。

先介紹呢支叫做第比利斯戴拿模，格魯吉亞成立超級聯賽今季已經進入第六年，之前五季第比利斯戴拿模奪得兩次冠軍及三次亞軍，毫無疑問屬於當地班霸球會。陣中有多名格魯吉亞國腳外，亦有唔少各地外援，其中以四名西班牙球員為重心。但較有名氣只係踢過華倫西亞的薛斯高及畢迪斯的烏斯達利斯，其餘只係泛泛之輩，球員平均質素當然不及球星如雲的熱刺。只望自己地頭出戰，打場好波輸少當贏。

英超首戰險勝水晶宮，熱刺新舊球員之間默契似乎仍需要磨合，尤其蘇達度、查迪利及保連奴三名正選主力，需要配合原班人腳打法，但始終個人技術與級數依然遠勝今仗對手，即使熱刺半力出擊，一樣可以碎“斯”。

推介：熱刺2:0