車仔繼續“尼”料

車仔繼續“尼”料

車路士亞洲“搲銀”之旅最後一場熱身賽，今晚在印尼與明星隊交手。由於雙方實力確有較大差距，預料車仔可橫衝直撞炒起對手。

印尼明星隊之前已被另外兩支英超豪門——阿仙奴與利物浦教訓過，當然都係輸波收場，首戰更慘吞阿仙奴七蛋，兩場波仲係零得球，防守弱不禁風，進攻軟弱無力，可想而知班數差幾遠。雖然陣中有多名印尼國家隊成員，包括隊長蘇路沙、卡比斯及沙林佩斯等骨幹，亦有曾效力澳甲阿德萊德前鋒沙治奧雲迪克，可惜點秤都難以與一班“車手”相比，對住歐洲名牌球會之一的車仔，只望輸少當贏。

車仔繼續缺少馬達、托里斯、奧斯卡及大衛雷斯等大牌球星，但依然人強馬壯，夏薩特、泰利、A高爾、艾辛及盧卡古等，對住“印星”絕對夠殺有餘。上仗對馬來西亞明星隊，球員為博老摩歡心，踢得相當積極進取，尤其中前埸的夏薩特、盧卡古、D巴亞、雲真高及摩西斯等小將，希望能夠上位，相信今仗亦會盡情發揮出應有水準，爭取更多入球。如無意外車仔將會大開殺戒，至少四五球應該冇走雞。

推介：車路士5:0