前鋒打柴 防線穿窿 新帥停賽 韋斯咸首回合喺主場早早領先兩粒,諗住實食冇黐牙啦,殊不知完場前20分鐘內連失兩球,連烏普頓球場班Fans都猛向「錘仔幫」班球員開汽水,就知呢支倫敦球隊踢得幾衰。家陣韋斯咸畀對手拎到兩個作客入球,今晚作客冇得唔採取主動收復失地。 弊在陣中主力射手安拿華倫西亞喺首回合受重創,右膝同右足踝齊傷,保守估計要抖成12個禮拜,加埋另一位鋒將安祖卡路爾亦都養緊傷,「錘仔幫」想攻都有心無力喎!雪上加霜嘅係,後防老大哥占士哥連斯同新帥比歷又要坐波監,今鋪群龍無首,仲點信得過先? 艾斯特拉聯賽留力決心大 |