墨西哥遍“地”開花
危地馬拉第一場波就落筆打三更,一比三慘敗特立尼達和多巴哥腳下,計埋之前一場熱身賽對美國,兩場共失七球,可想而知防線簡直脆弱不堪。今場對住被譽為今屆美洲金盃最強鋒力嘅墨西哥,睇怕凶多吉少。初盤墨西哥讓兩球半/三球,似乎讓得比較過分,不過“仙人掌”周身刺,讓得起有餘,照捧墨西哥贏波贏盤。 “小豆”靴南迪斯雖然因傷退隊,但墨西哥陣中依然殺手衆多,除杜斯山度士、卡路士韋拿及古亞達度外,上場連中三元嘅比拉達同樣屬於恐怖分子。對住祇有四名外流球員,兼且祇係踢葡甲及德國丙組聯賽都可以入選國家隊嘅危地馬拉,墨西哥“係咁意”都夠殺有餘。 推介:墨西哥4:0 |