小葡兵寵愛有“加”
加納在分組賽表現出頑強鬥志,頭兩場分別輸畀法國與西班牙,出線形勢變得惡劣,但最後一戰拼勁十足,以四比一大勝美國得以第三名出線,入到十六強已算最好交代。對住強隊,加納始終技遜一籌。初盤葡萄牙讓半球,推介“小葡兵”順利贏波晉級。 “小葡兵”陣中有唔少新星值得留意,包括已轟入五球有機會成為神射手的般馬、效力葡超賓菲加的中場安祖高美斯、士砵亭B隊重心伊斯加奧,仲有巴塞羅那B隊後防的艾迪加等,前中後三線相當均衡。只要今仗加強壓迫力向對手施壓,入八強冇問題。 協助莎索羅由意乙升上意甲的保克耶,係加納頭號危險人物,可惜整體欠缺平均,實在難有突破。 推介:葡萄牙2:0 |