比利時鋒線猛將如雲,夏薩特、賓迪基、盧卡古、梅頓斯個個獨當一面,但佢哋鬥威爾斯偏偏冇晒計,事關佢哋近兩次對決主場出擊都贏唔到。今晚兩軍喺歐國外B組再次碰頭,「歐洲紅魔」更有費蘭尼同高柏尼兩員大將缺陣,作客讓半一制唔過,揀威爾斯1.9倍下盤。 (有線64及203、CC5周六凌晨2:45直播) 威爾斯巴利 藍斯默契夠 另邊廂,威爾斯雙星加里夫巴利同艾朗藍斯勁有默契,上輪歐國外造訪以色列互相造就對方入波,夾手夾腳包辦全場3個入球,呢對孖寶今戰返到主場攜手出擊,有望威脅比利時防線。更何況首循環對決時缺陣嘅中場安迪京治同中堅占士謝斯達,今場可以復出搏殺,睇好佢哋有力同陣容不整嘅比利時周旋到底,受讓梗係要撐啦! |