阿根廷遇“厄”運
巴西以主辦國身份唔使打外圍賽,令阿根廷在南美區獨大,踢決賽周“坐定粒六”,問題係球隊發揮如何,上仗主場悶和哥倫比亞,球迷柴台聲長達十分鐘,可想而知班球員表現好極有限,連球王美斯亦令“粉絲”大失所望,以目前整體狀態,今仗作客實在難以睇好,初盤冇讓波,當然揀主場窮凶極惡的厄瓜多爾坐和望贏。 厄瓜多爾暫有二十分與哥倫比亞並列二、三位,只要今仗搶足三分,出線形勢大好,爭勝決心無需懷疑;人腳方面,華倫西亞、卡斯度、卡斯迪路及蒙迪路等具一定名氣級數,絕對有力“廷”得起。 阿根廷對哥倫比亞全場只得兩次中目標攻門,最大原因係美斯帶傷上陣無貨交,令球隊火力大減,要贏波實在唔易。 推介:厄瓜多爾1:0 |