祖雲達斯上仗打吡戰大意失荊州輸畀拖連奴,今輪主場對費倫天拿肯定打醒十二分精神。祖記現領先次席拉素14分,若然今場贏波而拉素失分,就可提早5輪成功衞冕,屆時可專注踢歐聯,今場絕對唔會放過「紫百合」。費倫喺聯賽冇作為,隨時放軟手腳,受讓半一都咪制,力捧祖雲達斯上盤。 (TVB 301周四凌晨2時45分直播) 祖雲達斯上仗輸畀「私房菜」拖連奴全因輕敵,將射手泰維斯、中堅基亞連尼放喺後備席,全失3分可謂咎由自取。事實上祖記對住弱隊不時輕敵失分,被薩斯索羅逼和及輸畀帕爾馬就係最佳例子。不過祖記對前列對手極少失準,早前輕鬆贈拉素兩蛋,意盃更作客大勝費倫天拿3球,可見佢哋只要肯出真功夫,國內難逢敵手。更何況以祖雲達斯今季聯賽主場88%勝出率,攞齊3分唔成問題。 費倫重注歐霸更實際
|