Combo King：華倫地利可靠大炒格

今晚西甲獨腳戲華倫西亞主場鬥CF格蘭納達，華倫聯賽「四哥」席位仲未穩陣，面對近10場作客聯賽輸9場嘅CF格蘭納達大勝在望，讓球主勝可作過關重心。

（now 632及TVB 13周二凌晨2時45分直播）

未計周日晚成績，華倫西亞只係領先第五位嘅西維爾兩分，換句話講此文見報之時，華倫分分鐘已跌出歐聯參賽區，故此為保前四，華倫之後賽事都不容有失。華倫踏入2015年後踢咗8場主場聯賽共取得7勝1和，當中包括擊敗皇馬、西維爾等強隊。相反CF格蘭納達現排尾二護級水深火熱，過去10場作客聯賽未贏過之餘，後防加埋失咗32球，平均每場失3球，對住皇馬、馬體會、西維爾及維拉利爾等前列分子至少輸兩粒，完全唔同級數，今場捧讓球主勝啱數。

士砵亭返晒嚟作客照捧
另外兩場賽事，德乙布倫瑞克主場鬥奧厄，布倫瑞克上周不敵阿倫，爭升班遭受嚴重打擊，今次主場迎戰近四場只輸一場嘅護級分子奧厄隨時再失分，捧讓球客勝。最後葡超士砵亭作客鬥摩里倫斯，士砵亭近6場聯賽贏5場，重現勁旅本色，作客無欲無求嘅摩里倫斯，客W可捧。

（有線155台周二凌晨3時直播）