溫布萊獻「細」
利物浦今季最有機會落袋嘅錦標就係足總盃，今晚佢哋會同阿士東維拉喺溫布萊球場一決高下，爭入足總盃決賽。弊在「紅軍」射手史杜列治好大機會缺陣，加埋「大賽黑腳」謝拉特刑滿復出，隨時搞破壞多過幫忙，呢場波敲1.85倍細就最穩陣。 謝拉特坐完3場波監，預計今晚會復任正選，但對利物浦嚟講係好事定壞事真係未知數，呢位「大賽黑腳」每逢關鍵大戰都有經典嘢發生，上季對車路士一下跣腳，連個聯賽冠軍都跣走埋；早排「雙紅會」後備落場更以極速被逐，今晚唔知會唔會繼續延續黑氣呢？ 利記史獨打柴 謝拉特復出
冇錯，計人腳「紅軍」無疑秤高一線，弊在射手史杜列治因臀部受傷好大機會缺陣，史達寧最近犯眾憎又鬧離隊，仲有冇心機同你搏命係一大疑問，靠巴洛迪利開飯？死得啦！利物浦嘅攻擊力似乎唔太信得過喎！ 維拉艾邦拉荷 摩蘭奴缺陣
對家維拉自從改由舒活領軍之後，戰績同表現明顯脫胎換骨，不過小妹認為護級先係佢哋嘅首要目標，會唔會踢到好似上仗爆冷砌低熱刺咁醒神好難講。但有樣嘢可以肯定，就係維拉家吓傷兵唔少，計落就有艾邦拉荷同山齊士摩蘭奴等十字軍，賓迪基樹大招風，想搵食唔係咁容易。既然兩邊人腳唔齊，鋒力又唔係話特別出眾，捧個細啱數。 （now633台今晚10:00直播） 盤路解碼
利物浦近8場盃賽有7場開出「半場和」。 Data King：紅軍足總盃交手6連勝
?維拉今屆4場足總盃上半場開晒「0:0」。 ?利物浦近4次出戰盃賽全開入球細。 ?紅軍近6次足總盃鬥維拉贏晒，合共取得12球未失1球。 | 
