正文

SAMVO肥叔 :西布朗反擊擒狐狸

玩球网 2015-04-11 00:00:00

肥叔今日就將焦點放喺英超下游大戰,由「十四哥」西布朗主場對住包尾大幡李斯特城,前者有「護級專家」佩尼斯帶領下,初盤小讓平半都算合理,理應睇高半線,但佢哋近兩仗竟狂失七粒,後防忽然大發波瘟,對於一向防守大過天嘅佩帥嚟講非常反常,吸取教訓後,相信佢哋今仗會踢得小心翼翼。儘管李斯特城敬陪末席,查實呢隻被逼埋牆角嘅「狐狸」,為搶分冇得諗咁多,上仗更勇挫韋斯咸擸到救命三分,現與尾四嘅侯城只差六分,今仗實搶攻同西布朗死過,反而益咗西布朗打反擊,因此都係揀番上盤。

(now 625周六晚10時直播)

大戶動向
肥叔縱橫足球博彩界多年,先鋒地位誰可代替?更摸清各路大戶投注取向,市場動態盡掌握!


盤熱過細盤,不過黑柴認為目前德甲列強都受到傷病攰交煎,今晚除拜仁對法蘭克福一役預期會有大交易外,其餘五仗黑柴都撐細盤。

由08-09球季到前季,連續五季德甲大盤率都係54至56%,上季突發入球高峰期,全季306場比賽共產生967個入球,平均每場3.16個,大盤率逾61%,呢個單一賽季令莊家對德甲大細賠率評級進一步調整,大盤愈嚟愈熱,不過今季情況已經有變,經過27輪賽事,平均每場入球只有2.79個,大盤率僅51%,上輪9場比賽4大5細合共只有21個入球,平均每仗僅2.33球,有愈入愈少趨勢。

傷停名單多達60人
黑柴估計今輪入波仲會進一步下調,列強搏完大半季損耗多,根據德國權威網站《踢球者》統計,今輪因傷病同停賽缺陣嘅球員多達60人,只有弗賴堡同史特加兩隊可以夫添,而更重要係剛周中啱啱踢完四場德國盃半準決賽,當中三場要加時攰到極,下周中又有歐聯同歐霸八強戰接踵而來,賽程太密,大家將節奏拖番慢啲係人之常情!

今晚早場慕遜加柏對多蒙特(有線64及203台周六晚9時30分直播),兩隊德國盃都搏殘,加上慕遜加柏近七季主場對多蒙特全開細盤,值得再追。尾場漢堡對禾夫斯堡(有線61及64台周日凌晨零時30分直播),主隊係德甲攻力最弱球隊,已經連續四仗冇波入,禾堡剛於德國盃苦戰耗力多,下周中又有歐霸大戰後顧,呢場求慳力入波又點會多?