卡爾萬：珀斯光輝平手盤「尼」料

每當有困難殺到埋身，往往係彰顯團結嘅時候，珀斯光輝最近備受超出工資帽上限事件困擾，正被澳洲足總調查，或面臨扣分、巨額罰款同褫奪季後賽資格。不過呢班波唔單止冇受到影響，更踢出拚勁連下兩城，今輪澳職迎戰季尾表現走樣嘅FC悉尼，捧平手盤坐和望贏！

（有線64及203周五晚7:45直播）

珀斯喺爆出工資帽問題後，過去嗰個月踢走幾名球員「減磅」，尋日仲提前同大阪櫻花借將尼高斯解約。但正如珀斯後衞祖碧治所講，職業球員就要有專業態度，目前唯一要做嘅只係踢好每一場波，佢哋繼擊敗西悉尼流浪者，結束連續9場不勝頹勢後，上場再撼贏紐卡素噴射機，其中被澳媒稱為「工資帽主角」嘅安迪基奧治，亦打破埋近期嘅入球荒，重現首席射手本色。成班波上下一心迎難而上，唔係唔撐吖嘛！

FC悉尼季尾跌Watt
至於只落後榜首3分嘅FC悉尼，仲有機會爭做常規賽盟主，加埋今季作客仍然保持不敗身，睇落一啲都唔輸蝕。弊在佢哋臨近季尾跌晒Watt，近兩戰主場吞蛋輸波，作客能夠淨贏威靈頓鳳凰3:0，全因對手撞正傷兵潮同埋國際賽期，搞到冇咗接近半隊主力。再講吖，前排入波入唔停嘅真高，自從連續「士哥」走勢斷纜後冇晒貨交，次席射手史美斯今場又要坐波監，邊有條件作客砌低珀斯光輝先？

好波有得睇（直播以電視台公布為準）
澳職?墨爾本勝利 Vs 紐卡素噴射機：周五下午5:40?有線64及203

澳職?珀斯光輝 Vs FC悉尼：周五晚7:45?有線64及203

荷甲?燕豪芬 Vs 施禾利：周六凌晨2:00?now671

德甲?漢諾威 Vs 哈化柏林：周六凌晨2:30?有線61及201

法甲?卡昂 Vs 摩納哥：周六凌晨2:30?TVB302

英冠?白禮頓 Vs 般尼茅夫：周六凌晨2:45?TVB301