皇馬超班「奴」不可破

皇馬超班「奴」不可破 
   
皇家馬德里上仗狂風掃落葉大勝對手9:1，全隊上下都著晒火，為咗重奪西甲榜首同埋保持爭標機會，是役作客華歷簡奴一定會再度施展渾身解數，讓一球得1.54倍都要熱捧呢注「讓客」。（周三37，now632台周四4:00am直播）

賓施馬同埋加里夫巴利入波事小，C朗個人獨取5球就真係好誇張，須知道呢位葡萄牙球星腳風順起上嚟的確唔係人咁品，皇馬嚟緊肯定會延續強勢，呢段時間撞著佢哋嘅球隊真係唔好彩，所以華歷簡奴今晚有主場之利都幫唔到幾多，頂盡咪輸少一至兩球，畢竟佢哋今季對住另一支班霸巴塞隆拿都試過輸1:6，是役打個5折應該走唔甩，捧銀河艦隊開「讓客」冇錯。

格蘭納達難逃連敗

講開皇馬，點可以唔提CF格蘭納達，呢支西甲垃圾上場以1:9不敵銀河艦隊，球員心靈受創係意料之內，短短幾日之後又要同切爾達交手，真係擔心佢哋又再丟假，雖然作客嘅切爾達近況亦一般，但整體實力依然喺CF格蘭納達之上，正所謂趁火打劫，少讓平手、半球上盤走唔甩。（周三36，香港時間周四4:00am開賽）